6 Benefits of Learning English

6 Benefits of Learning English

45 views

အင်္ဂလိပ်စာသင်ကြားခြင်းအကျိုး (၆) ခု

အလုပ်လုပ်တဲ့အရွယ်ရောက် လာတဲ့အခါ နိုင်ငံခြား ဘာသာစကားတစ်ခုမဟုတ်တစ်ခု သင်ကြားရပါ တယ်။ ဒါကလည်း အလုပ်အကိုင်အခွင့်အလမ်းကောင်းဖို့ လစာကောင်းဖို့ ဆက်သွယ်ပြော ဆိုမှု စွမ်းရည် ကောင်းဖို့ အစရှိတဲ့အချက်တွေကြောင့်ပါပဲ။ အဲဒီအထဲမှာမှ အင်္ဂလိပ် ဘာသာရပ်က မဖြစ်မနေသင် ယူသင့်တဲ့အကြောင်းအရာတစ်ခုဖြစ်လာပါတယ်။ ဒီအချက်တွေက တော့ အင်္ဂလိပ်စာ သင်ကြားခြင်း ဒါမှမဟုတ် ဘာသာစကားတစ်မျိုးမျိုး သင်ယူခြင်းကနေ ရရှိနိုင်တဲ့ အကျိုးရလာဒ်တွေဖြစ်ပါတယ်။

(၁) သိမြင်တတ်မြင်လွယ်ခြင်း

ဘာသာစကားနှစ်မျိုးပြောနိုင်တဲ့သူတွေဟာ ဆုံးဖြတ်ချက်ချတာမျိုး မမျှော်လင့်တဲ့အခြေအနေတစ်ခု မှာရောက်နေတဲ့အခါမျိုးမှာ သူများထက်ပိုပြီး မြန်မြန်ဆန်ဆန်မှန်မှန်ကန်ကန်ဆုံးဖြတ်နိုင်ပါတယ်။ မိခင် ဘာသာစကားမဟုတ်တဲ့ ဒုတိယဘာသာစကားဟာ အသိဉာဏ်နယ်ပယ်ကို ပိုမိုကျယ်ပြန့်စေပြီး ပင်ကိုယ်စွမ်းရည်တိုးတက်စေပါတယ်။

(၂) မှတ်မိလွယ်ခြင်း

စကားလုံးအသစ်တွေကို ဖတ်ပြီး လေ့လာပြီးတဲ့နောက် မှတ်ဉာဏ်ကိုတိုးတက်စေပါတယ်။ ဘာသာ စကားတစ်မျိုးတည်းပြောတဲ့သူထက်စာရင် အရာရာကို မှတ်မိလွယ် သိလွယ်ပါတယ်။

(၃) အကြားစွမ်းရည်တိုးတက်စေခြင်း

နိုင်ငံခြားဘာသာစကားကိုနားထောင်နေကျ၊ ဘာသာပြန်နေကျ မို့လို့ အကြားစွမ်းရည်ကို တိုးတက် လာစေပါတယ်။ ဓါးသွေးကျောက်နဲ့ အလားသဏ္ဍန်လည်းတူပါတယ်။ များများသွေးထားတဲ့ဦးနှောက်က ထက်လာစေတဲ့သဘောပါပဲ။

(၄) ဆုံးဖြတ်ချက်ခိုင်မာခြင်း

ဘာသာစကားအသစ်မှာ အီဒီယံတွေ၊ အဓိပ္ပါယ်ဆင်တူစကားလုံးတွေကို သင်ရမှာဖြစ်ပါတယ်။ အဲဒီစကား လုံးတွေကို ဘယ်နေရာမှာသင့်တော်အောင်သုံးမလဲဆိုတဲ့ ဆုံးဖြတ်တွေးခေါ်ရတဲ့ပညာက လည်း ကိုယ့်ရဲ့ပင်ကိုယ်စွမ်းရည်တိုးတက်စေတဲ့အကြောင်းအရာထဲမှာ တစ်ခုအပါအဝင်ဖြစ်ပါတယ်။

(၅) အလုပ်နှစ်ခု တစ်ပြိုင်တည်းလုပ်နိုင်ခြင်း

ဘာသာစကားနှစ်မျိုးပြောတဲ့သူတွေဟာ အရေး၊ အဖတ်၊ အပြော အစရှိတာတွေကို မိခင်ဘာသာစကားအပြင် ကိုယ်သင်ယူတဲ့ဘာသာစကားအနေနဲ့လည်းဆောင်ရွက်နိုင်တာကြောင့် အလုပ်နှစ်ခုကို တစ်ပြိုင်တည်းလုပ်နေသလိုပါပဲ။ အဲဒီရဲ့အကျိုးဆက်က လုပ်ငန်းခွင်မှာလည်း သက်ရောက်မှုရှိပြီး စွမ်း ရည်တိုးလာပါတယ်။

(၆) မှတ်ဉာဏ်ချွတ်ယွင်းခြင်းမှကာကွယ်ခြင်း

အမြဲတမ်းမှတ်၊ ဖတ်၊ သိနေရတာကြောင့် ကိုယ့်ရဲ့မှတ်ဉာဏ်တွေဟာ အမြဲအလုပ်လုပ်နေရတာ ဖြစ်ပါတယ်။ ဒါကြောင့် အချိန်အကြာကြီးအထိ မှတ်ဉာဏ်မချွတ်ယွင်းနိုင်တော့ပါဘူး။ ဒါကြောင့် ဘာသာ စကားတစ်ခုခုကိုလေ့လာသင်ယူခြင်းဟာ ကျန်းမာရေးအထောက်အကူရော ဘဝနေထိုင်မှုအထောက် အကူကိုပါ ရစေပါတယ်။

– ENDS –

အင်္ဂလိပ်ဘာသာစကားကို လုပ်ငန်းခွင်၊ အနာဂတ်အခွင့်အလမ်းအတွက် အသုံးချမယ်ဆိုရင်တော့ Wall Street English က ကူညီနိုင်ပါတယ်။

09-969 799 999 (City Mall St John),

09-969 758 758 (Myanmar Plaza),

01-503 370 (Junction Square),

09765888800(Mingalar Mandalay),

09894485016(MCTA Mandalay)

Close Menu