How to be healthy before your exam

How to be healthy before your exam

20 views

စာမေးပွဲမတိုင်ခင် ကျန်းမာရေး ကောင်းအောင်နေထိုင်နည်း

တက္ကသိုလ်ဝင်တန်းစာမေးပွဲကြီးနီးကပ်လာပါပြီ။ အခုချိန်မှာ အရေးအကြီးဆုံးကဘာလဲမေးရင် ကျန်း မာရေးကောင်းမွန်ဖို့ဆိုတာလည်း အဓိကကျတဲ့အရာတစ်ခုဖြစ်ပါတယ်။ အခုရက်ပိုင်းအတွင်း ကျန်းမာ ရေးကို အမှားအယွင်းမခံသင့်ဘဲ အဆင်ပြေအောင်နေထိုင်နည်းအချို့ကို Wall Street English အနေနဲ့ မျှဝေပေးချင်ပါတယ်။

(၁) ရေများများသောက်ပါ

ရေဓါတ်ပါဝင်တဲ့ အရည်တွေများများသောက်သင့်ပါတယ်။ သင့်ရဲ့ Hydrated ကိုအကောင်းဆုံးထိန်း သိမ်းနိုင်ဖို့ ရေအပြင် ကြက်စွပ်ပြုတ်၊ လက်ဖက်ရည် အစရှိတဲ့ အရည်တွေသောက်သင့်ပါတယ်။ ဒါပေမဲ့ ဘီယာ၊ ၀ိုင် စတဲ့အရာတွေတော့မပါဝင်ဘူးပေါ့နော်။

(၂) အချိန်မှန်မှန် စား ဖို့ မမေးပါနဲ့

အစာကြေလွယ်တဲ့အစားအစာတွေရွေးချယ်စားသုံးပေးပါ။ ကိုယ့်ခန္ဓာကိုယ်နဲ့သင့်တော်လုံလောက် တဲ့ ပမာဏ အတိုင်းစားသုံးပေးသင့်ပါတယ်။ အလွန်အကျွံဆို အစာမကြေဖြစ်တတ်လို့ပါ။ အချိန်မှန်မှန်စား ဖို့က အဓိကဖြစ်ပါတယ်။

(၃) နည်းနည်းလေး နေမကောင်းတာနဲ့ ဆေးသောက်ပါ

ကျန်းမာရေးကိုလုံးဝအမှားခံလို့မဖြစ်ပါဘူး။ နည်းနည်းလေးနေမကောင်းဖြစ်တဲ့လက္ခဏာပြတာနဲ့ ဆေး သောက်ပြီး ကြိုတင်ကာကွယ်သင့်ပါတယ်။ ဆေးတွေဟာ သင့်ရဲ့စာလေ့လာတဲ့အချိန်အတွင်းမှာ လုံလောက် တဲ့အကူအညီတွေဖြစ်ပါတယ်။

(၄) အနားယူပါ

စာမေးပွဲချိန်အရမ်းကပ်လာတဲ့အခါ စာကိုဖိလုပ်တယ်ဆိုတာမျိုးမဖြစ်သင့်တော့ပါဘူး။ လုံလောက်တဲ့ အနားယူမှုတွေရှိနေဖို့လိုအပ်ပါပြီ။ ဒီတော့ စာလုပ်လိုက် ခဏနားလိုက်နဲ့ပဲဖြတ်သန်းသင့်ပါတယ်။

(၅) အတန်းဖော်သူငယ်ချင်းတွေနဲ့ အဆက်အသွယ်မပြတ်ပါစေနဲ့

ကိုယ်နဲ့စာမေးပွဲတစ်ခန်းတည်းဖြေဆိုမယ့်သူငယ်ချင်းတွေဟာ နေမကောင်းတာမျိုးဖြစ်လာရင် ကိုယ့်ကို အနီးကပ်ကူညီပေးနိုင်တဲ့သူတွေဖြစ်ပါတယ်။ သူတို့နဲ့အဆက်အသွယ်မပြတ်ပါစေနဲ့။

(၆) အိမ်ထဲမှာပဲ လေ့လာပါ

သူငယ်ချင်းတွေနဲ့ စာသွားစုကျက်တာမျိုးတွေခဏခဏလုပ်တာကိုရှောင်ပါ။ အတတ်နိုင်ဆုံးအိမ် ထဲမှာနေထိုင်သင့်ပါတယ်။ ရာသီဥတုအပြောင်းအလဲကြောင့် ကျန်းမာရေးကိုတစ်စုံတစ်ရာထိခိုက်နိုင် စေတာကြောင့် အပြင်ထွက်မယ့်အလုပ်ကို ဒီရက်ပိုင်းအတွင်းမလုပ်မိစေချင်ပါဘူး။

(၇) အိပ်ရေးပျက်မခံပါနဲ့

အိပ်ရေးပျက်လုံးဝမခံပါနဲ့။ စာမေးပွဲရက်နီးလာလေလေ အိပ်ရေးဝဝအိပ်ဖို့လိုအပ်လာလေလောပါပဲ။ အိပ်ရေးဝဝအိပ်ပြီး ရထားတဲ့စာတွေကို မေ့မသွား အောင် ပြန်နွှေးနေသင့်တဲ့အချိန်ဖြစ်ပါတယ်။

အဲဒီနည်းလမ်းလေးတွေကိုသုံးပြီး ကျန်းမာရေးကောင်းမွန်စွာနဲ့ စာမေးပွဲဖြေဆိုအောင်မြင်နိုင်ပါစေ ကြောင်း Wall Street English မိသားစုကဆုတောင်းပေးလိုက်ပါတယ်နော်။

Wall Street English Center ဖုန်း

09-969 799 999 (City Mall St John),

09-969 758 758 (Myanmar Plaza),

01-503 370 (Junction Square),

09765888800 (Mingalar Mandalay),

09894485016 (MCTA Mandalay)

Close Menu