ရထားပြီးတဲ့စာတွေကို အလွယ်တကူပြန်မှတ်မိအောင် ဘယ်လိုလုပ်မလဲ
ရထားပြီးသားစာတွေကို မေ့သွားတတ်တာမျိုးဖြစ်ဖူးလား။ စာမေးပွဲခန်းရောက်တော့မှ ကျက်ထားတာ တွေမေ့ကုန်လို့မဖြေခဲ့ရတာမျိုးကြုံဖူးပါသလား။ ဒီနည်းလမ်းလေးတွေကတော့ ရထားတဲ့စာတွေကို အလွယ်တကူမေ့မသွားအောင် Memory ပြန်ခေါ်နိုင်မှာဖြစ်ပါတယ်။
(၁) Notes တွေလုပ်ပြီး စာကျက်ပါ
စာကိုဒီအတိုင်းကျက်တာ လေ့လာတာမျိုးထက် Notes တွေလုပ်ပြီးကျက်သင့်ပါတယ်။ လက်ထဲမှာ ခဲတံတစ်ချောင်းအမြဲကိုင်ပြီး လေ့လာသင့်ပါတယ်။ ကိုယ်အလွယ်တကူနားမလည်နိုင်တဲ့ အရေးကြီး တဲ့ အချက်တွေကို ခဲတံနဲ့မှတ်သားထားပြီး ကိုယ်မှတ်ရလွယ်အောင် အမှတ်အသားလေးတွေပြုလုပ်ပေးပါ။
(၂) ကိုယ့်ကိုယ်ကိုယ်မေးခွန်းတွေမေးပေးပါ
စာတစ်ပိုဒ်လေ့လာနေချိန်မှာ ဒီစာကဘာမေးခွန်းအတွက်မေးနိုင်တာလဲဆိုတဲ့မေးခွန်းမျိုးကိုမေးပေးပါ။ ဥပမာအားဖြင့် ဒီသင်ခန်းစာရဲ့အဓိကရည်ရွယ်ချက်ကဘာလဲ၊ ဘယ်လိုမေးခွန်းမျိုးမေးလေ့မေးထရှိသ လဲဆိုတဲ့အချက်တွေပေါ့။
(၃) အရေးမကြီးတဲ့အချက်တွေကို ဖယ်ထုတ်ပစ်ပါ
သင်ခန်းစာတိုင်းဟာအရေးကြီးပါတယ်။ ဒါပေမဲ့ ကိုယ်ဖြေဆိုရမယ့် စာမေးပွဲအတွက် သိပ်အရေးမကြီး ဘူးလို့ထင်ရတဲ့ အရာတစ်ချို့ကို ဖယ်ထားလိုက်ပါ။ ဥပမာအားဖြင့် စာတစ်ပိုဒ်လုံးမှာ အဓိကကျတဲ့ စာ ကြောင်းတွေကိုသာယူတာမျိုးပါ။ အချိန်နည်းနည်းပဲရတဲ့အခါမျိုး စာအားလုံးကိုလုပ်ရတဲ့အခါ အာရုံ ပျံ့သွားပြီး ဟိုမေ့ဒီမေ့ဖြစ်နိုင်ပါတယ်။
(၄) တွေးတော ဆက်စပ် ပြန်ရွတ်ကြည့်ပါ
ကိုယ်ရတဲ့စာတွေကို ရပြီဆိုပြီး ဒီအတိုင်းပစ်မထားပါနဲ့။ စာနဲ့ပတ်သတ်လို့အတွေးနယ်ချဲ့ကြည့်ပါ။ ဘယ်အရာနဲ့ဆက်စပ်နေသလဲဆိုတာကို စဉ်းစားပြီး ပြန်ရွတ်ကြည့်ပါ။ အဲဒီလိုခဏခဏလုပ်ပေးခြင်း က စာကိုအလွယ်တကူအမှတ်ရစေမှာဖြစ်ပါတယ်။
(၅) ရှင်းပြပါ
ကိုယ်ရဲ့အတွေ့အကြုံတွေကို ဒီတိုင်းမထားဘဲ လက်တွေ့အသုံးချခြင်းကအထိရောက်ဆုံးသော နည်း လမ်းလို့ ပညာရှင်တွေကဆိုကြပါတယ်။ ကိုယ်ရထားတဲ့စာတွေကို မမေ့သွားအောင် အချင်းချင်းပြန်ရှင်း ပြတာမျိုးတို့ အိမ်က မောင်နှမတွေကိုရှင်းပြတာမျိုးတို့ ပြုလုပ်ပေးသင့်ပါတယ်။
(၆) အကျယ်ကြီးအော်ကျက်ပါ
စာအကျယ်ကြီးအော်ကျက်ခြင်းက ကိုယ်ကျက်တဲ့စာကိုနားလည်ပြီးမှတ်မိလွယ်ပါတယ်တဲ့။ ဆိုတော့ စာအကျယ်ကြီးအော်ကျက်ဖို့လည်းလိုပါတယ်။
(၇) စာအုပ်ထဲကစာကိုပဲကျက်ပါ
အခုခေတ်က နည်းပညာခေတ်ဖြစ်တာနဲ့အညီ သင်ခန်းစာတွေကို လက်ကိုင်ကွန်ပျုတာ၊ ဖုန်းတွေထဲ ကိုထည့်ပြီးလေ့လာတာခေတ်စားပါတယ်။ စာကျက်တဲ့အခါမှာတော့ နည်းပညာ Device တွေထဲကစာ ကိုကျက်တာထက် စာရွက်ထဲကစာကိုကျက်တာကိုပိုမှတ်မိလွယ်တယ်လို့ သုတေသီတွေကဆိုကြပါ တယ်။
(၈) မေးခွန်းနားလည်အောင်အရင်လုပ်ပါ
စာတစ်ပုဒ်ကျက်တော့မယ်ဆိုရင် ကိုယ်ကျက်မယ့်စာကို မမေ့အောင်မေးခွန်းနားလည်ခြင်းက လည်း အရေးကြီးပါတယ်။ ဒီတော့ သင်ခန်းစာမလေ့လာခင် သင်ခန်းစာနဲ့ပတ်သက်တဲ့မေးခွန်းကိုနားလည်ဖို့ လိုအပ်ပါတယ်။
– ENDS –
Wall Street English မှာတော့ သင်ခန်းစာတွေကို Creative thinking တွေနဲ့ဆက်စပ်ပြီး ဘာသာ စကားလေ့လာနိုင်အောင်သင်ကြားပေးနေပါတယ်။ ဒီတော့ မမေ့တော့ဘူးပေါ့။
09-969 799 999 (City Mall St John),
09-969 758 758 (Myanmar Plaza),
01-503 370 (Junction Square),
09765888800 (Mingalar Mandalay),
09894485016 (MCTA Mandalay)
