မနက်ဖြန်စာမေးပွဲဖြေဖို့ ဒီညမှာ ဘာတွေပြင်ဆင်သင့်လဲ
စာမေးပွဲဖြေဆိုရမယ့် ရက်မတိုင်ခင်တစ်ညဟာ အလုပ်အရှုပ်ဆုံးညဖြစ်ပါတယ်။ ဘာကိုဘယ်လို စလုပ် ရမလဲ ချိတုံချတုံဖြစ်တာမျိုး ကြုံရမှာပါ။ ဒီအတွက် ရှင်းရှင်းလင်းလင်းသိစေဖို့ ကြိုတင်ပြင်ဆင်ထား သင့်တဲ့အချက်ကို Wall Street English က ဖော်ပြလိုက်ပါတယ်။
(၁) Review your study notes
ကိုယ်သင်ယူထားတဲ့သင်ခန်းစာတွေကို ပြန်လည်သုံးသပ်ပါ။ အသစ်ကျက်စရာရှိမနေစေရဘဲ simple revision သာဖြစ်သင့်ပါတယ်။
(၂) Revise topics one by one
ခေါင်းစဉ်တစ်ခုချင်းအလိုက် စာမေးပွဲနဲ့သင့်တော်တယ်ဆိုတာကိုပဲရွေးပြီးကြည့်ပါ။ မေးခွန်းလွှာ နဲ့ဆက်စပ်နိုင်မယ့် အချက်တွေကိုပဲရွေးချယ်ပြီး စာပြန်နွေးပါ။
(၃) Don’t study too late
စာမေးပွဲမဖြေခင်ညမှာ တစ်ညလုံးနီးပါးစာကျက်တယ်ဆိုတာဟာ ကောင်းမွန်ထိရောက်တဲ့နည်းလမ်း မဟုတ်ပါဘူး။ နောက်ဆုံးအချိန်ကျမှ အသည်းအသန်လုပ်နေလို့ ဦးနှောက်အနားမရတာပဲအဖတ်တင် ပါလိမ့်မယ်။ ဆိုတော့ ကိုယ်လေ့လာခဲ့သမျှကိုလိုတိုရှင်း မှတ်မိအောင်လုပ်ရမယ့်အချိန်သာဖြစ်ပါတယ်။ အချိန်နောက်ကျတဲ့အထိစာကျက်မနေပါနဲ့။
၄) Eat a good meal
အားအင်ဖြည့်တင်းရမယ့်ကာလ၊ စွမ်းအင်အပြည့်နဲ့တိုက်ပွဲဝင်ရမယ့်ကာလဖြစ်လို့ စားကောင်း သောက်ဖွယ်တွေကို သုံးဆောင်မှီဝဲသင့်ပါတယ်။ သင့်ရဲ့စိတ်နဲ့ ဦးနှောက် ကြည်လင်ရွှင်ပျဖို့ အစား ကောင်းတွေက စွမ်းဆောင်ပေးပါလိမ့်မယ်။
(၅) Prepare for the morning
မနက်ခင်းမှာ စာမေးပွဲအတွက်လိုအပ်တဲ့ပစ္စည်းတွေကို စတင်ပြင်ဆင်ပါ။ ဥပမာအားဖြင့် ခဲတံ၊ ဘောပင်၊ ကျောင်းသားကတ်အစရှိတာတွေကို အဆင်သင့်ဖြစ် အောင်ပြင်ဆင်ပြီး အသင့်ယူသွားလို့ရအောင်သိမ်းထားလိုက်ပါ။ ဟိုပစ္စည်းကျန် ဒီပစ္စည်းကျန်တာမျိုး မဖြစ်အောင် ဆောင်ရွက်ထားသင့်ပါတယ်။
(၆) Give your brain a break
သင်ခန်းစာတွေနဲ့ဝေးရာကိုခဏနေလိုက်ပါ။ ဖျော်ဖြေရေးအတွက် သတင်းစာ၊ ဂျာနယ်ဖတ်တာတို့ မိသားစုနဲ့စကားပြောတာမျိုးတို့ တစ်ခုခုလုပ်ပြီး ဦးနှောက်ကို ခဏတာအနားပေးလိုက်ပါ။
(၇) Get some exercise
သင်ခန်းစာတွေကို review လုပ်ပြီးတဲ့အချိန်မှာတော့ သင့်တော်တဲ့ကိုယ်လက်လှုပ်ရှားမှုမျိုးကို အနည်းအကျဉ်းလုပ်သင့်ပါတယ်။ စိတ်ဖိစီးမှုကင်းဝေးပြီး ဦးနှောက်အနားရစေဖို့ပါ။
(၈) Set your alarm
မနက်စောစောနိုးဖို့ အိပ်ပျော်မသွားဖို့အတွက် Alarm လေးတော့ပေးသင့်ပါတယ်။ အချိန်နောက်မကျ စေဖို့အတွက် သေချာအောင်လုပ်တဲ့သဘောပေါ့။
(၉) Get a good sleep
အရေးကြီးဆုံးအချက်က အိပ်ရေးဝဝအိပ်ဖို့ပါပဲ။ နိုးလာတဲ့အချိန်မှာ တက်ကြွလန်းဆန်းပြီးစာမေးပွဲ ကိုအဆင်သင့်ရင်ဆိုင်ဖို့ အိပ်ရေးဝဝအိပ်သင့်ပါတယ်။
– ENDS –
09-969 799 999 (City Mall St John),
09-969 758 758 (Myanmar Plaza),
01-503 370 (Junction Square),
09765888800 (Mingalar Mandalay),
09894485016 (MCTA Mandalay)
